Аливаа баяр ёслол, тэмдэглэлт үйл явдлыг бид цэцэгггүйгээр төсөөлөшгүй билээ. Тэгвэл Мартын-8 буюу Эмэгтэйчүүдийн баяр болох гэж байгаатай холбогдуулан цэцгийн тухай мэдээллийг хүргэе.

Эмэгтэйчүүдийн баяраар бүх насны эмэгтэйчүүдэд амьд цэцгийг талархлаа илэрхийлж байгаагийн бэлгэдэл болгон өгнө. Цэцэг нь хайр дурлал, сайхан сэтгэлийг илэрхийлэх тэрчлэн зовж шаналсан үед сэтгэл тайтгаруулах хэрэгсэл болдог билээ. Цэцэг бэлэглэснээр хүндэтгэл хайраа илэрхийлнэ. Цэцгийн баглаанд байх цэцгийн тоо багагүй ач холбогдолтой байдаг. Цэцгийн тоо цөөхөн биш олон биш байвал зүгээр. Баглаанд орох цэцгийн тоо 3, 5, 7 гэх зэргээр сондгой тоотой байна.

Цэцэг бэлэглэх нь соёлын нэг хэлбэр юм. Тиймээс хэзээ, хэнд, ямар цэцэг бэлэглэх нь маш чухал байдаг. Үүнд цэцгийн сонголт төдийгүй өнгө, зохиомж ихээхэн ач холбогдолтой. Сарнай, нил, намуу цэцэг зэрэг улаан өнгийн цэцэг нь чин сэтгэлийн харилцаа, лиш зэрэг ягаан өнгийн цэцэг нь ямар ч тохиолдолд ялангуяа баяр ёслолын үед их зохимжтой.

• Залуу бүсгүйд –улаан, ягаан сарнай
• Дунд насны эмэгтэйд –сарнай, нил цэцэг
• Нас тогтсон эмэгтэйд –шивантаг, сараана зэрэг даруухан өнгийн цэцэг өгнө.

Нэгэн төрлийн цэцгээс ялангуяа нэгэн өнгөөс бүрдсэн баглаа нь чамин тансаг харагдах ба том байх тусам илүү сүрлэг, илүү ач холбогдолтой байдаг.

Цэцгийн аль болох удаан хэвээр нь байлгах арга

Тасалж авсан цэцгийн өнгө, үнэрийг удаан хугацаагаар хэвээр нь байлгах боломж бий. Цэцгийг тасалж авсны дараа ишнээс нь илүү навчийг тасдана. Ингэснээр уурших талбайг багасгаж навчисыг ваар дотор тавьж ялзрахаас урьдчилан сэргийлнэ.  Иш бүрийн үзүүрийг хайчаар биш, хурц хутгаар усан дотор ташуу огтолно. Цэцгийн огтлогдсон талбай агаарт ил гарсныхаа дараа ус шингээх чадвар нь эрс буурна. Сарнай, гэсэр гэх зэрэг хатуу иштэй цэцгийг огтлохдоо аль болох ташуу том огтолно. Огтолсон цэцгүүдийг +180С дээш хэмтэй ус дүүрэн вааранд хийнэ. Цэцгийн дэлбээг өнгийг нь алдуулж хатахаас сэргийлж ус цацна. Огтолсон цэцэг нарны гэрэл, салхинд удаан тэсэхгүй тул сэрүүн сүүдэртэй газар тавина. Цэцгийг жимс бүхий савны дэргэд тавьж болохгүй.

Цэцгийн өнгөний нөлөө

Цэцэг нь хүний нүд, сэтгэл санааны байдалд нөлөө үзүүлнэ. Тухайлбал бүх гэгээн, нүдэнд дулаан цэцэг нь хүний таашаалыг төрүүлж сэтгэлийг сэргээнэ. Гэтэл бор өнгөтэй цэцэг сэтгэл хүйтрүүлж дотор арзайлгана. Ийм учраас цэцгэн зохиомж хийхдээ гэгээн өнгөтэй цэцгүүдийг гол дэвсгэр болгож бараан өнгийн цэцгүүдийг чимэг маягаар ашиглана. Гэгээн өнгөтэй цэцгийг бараан өнгөтэй цэцгийн дунд юмуу дээр нь хөнгөн өнгийг хүнд өнгөний, дулаан өнгийг хүйтэн өнгөний өмнө байрлуулна.

Шинжлэх ухааны ажиглалтын үндсэн дээр цэцэг болон сэтгэлийн хооронд тодорхой холбоо байдгийг тогтоожээ.

• Шар өнгө нь сэтгэл дулаацуулан хөвсөлзүүлж, хөгжил цэнгэл төрүүлэхээс гадна тансаг байдал, гэрлэлт, ахмад настнуудын хүндэтгэлийг бэлгэднэ.
• Тод шар өнгө нь атаархал, дураараа загнах, үзэн ядалт, худал хуурмагийн илэрхийлэл юм.
• Улбар шар өнгө нь баяр ёслолын ач холбогдлыг өргөн, сэтгэл сэргээж амьдралын сайхныг илтгэж нар, эрх мэдэл, нэр төр, баяр хөөрийг бэлгэднэ.
• Улаан өнгө нь дайчин, идэвхитэй үйл ажиллагаа, үйлдлийг илэрхийлнэ. Түүний дотор гэгээвтэр улаан өгнө нь урагшлах давшингуй сэргээх өнгө аяс, бараандуу улаан өнгө нь намба төрх, нухацтай байдлыг илэрхийлнэ, улаан өнгө нь дурлал, амьдрал, цус, тачаал, эрх чөлөө, гал зэргийн бэлгэднэ.
• Ягаан хөх өнгө нь гэгээтэй ч бараан агуулгатай, баяр ёслолыг илтгэнэ. Ихэмсэг сүрлэг байдал, эрхэм зан, хээнцэр байдал, нөхөрлөл үерхлийг билэгдэнэ.
• Хөх өнгө нь намуун, хүнд, чанга, холдуулагч, хүйтэн ч эрч хүч дүүрэн өнгө юм. Цэнхэр өнгө нь тод томруун, цэвэр нямбай агуулгатай, эцэс төгсгөлгүй байдал, алс хол, уйтгар гуниг, тайван байдал, үржил шимийг бэлгэднэ.
• Ногоон өгнө нь холбох, тайвшруулах увидастай. Гэгээн ногоон өнгө нь хөгжилтэй, урам зориг өгнө.
• Цагаан өнгө нь бусад бүх бараан өнгүүдтэй зөрдөг, эрээн мяраан хослолд гэгээ хөгжил нэмнэ, багтаамжийг өргөжүүлнэ, гэм хоргүй зан, цэвэр ёс суртахуун, цэвэрч нямбай байдлыг бэлгэднэ.
• Хар өнгө нь төв өнгө, багтаамжийг багасгаж шар улаан өнгүүдийн дэвсгэр болж бүр тодруулна.